"Manchester Yunayted" yozgi transfer oynasida shvesiyalik himoyachi Viktor Lindyolof va shotlandiyalik yarim himoyachi Skott Maktominey bilan xayrlashishi mumkin, deb yozdi jurnalist Fabrisio Romano.
Manbaga ko‘ra, Angliya klubi bosh murabbiyi Erik ten Xag mavsum yakunida har ikki futbolchi borasida bir qarorga keladi. Oldinroq shotlandiyalik futbolchi "Nyukasl"ga o‘tishi mumkinligi haqida xabarlar tarqalgandi.
26 yoshli MakTominey joriy mavsumda “Manchester Yunayted” safida barcha turnirlarda 32 ta o‘yinda maydonga tushib, 2 ta gol urdi va bitta golli uzatmani amalga oshirdi. 28 yoshli Lindyolof hisobida 21 ta o‘yin bor.