"Manchester Siti" yarim himoyachisi Ilkay Gyundogan faoliyatini qayerda davom ettirishi haqida hali bir qarorga kelmagan.
"Shaharliklar" sardori klub bilan uch oydan keyin tugaydigan shartnomani uzaytirishga shoshilmayapti. OAVda bir necha bor xabar qilinganidek, 32 yoshli yarim himoyachi "Barselona"ga o‘tishga yaqin turibdi, ammo insayder Fabrisio Romanoning so‘zlariga ko‘ra, "Manchester Siti" hali ham futbolchidan yakuniy javobni kutmoqda. U hali ham kelishuvni uzaytirishga tayyormi yoki yo‘qligini hal qilmagan.
Ilkay Gyundogan 2016 yildan beri “shaharliklar” safida to‘p suradi. Joriy mavsumda u Xosep Gvardiola jamoasida 37 ta o‘yin o‘tkazib, 4 ta gol va 4 ta golli uzatmani amalga oshirgan.
