Myunxenning "Bavariya" klubi o‘zining yarim himoyachisi Marsel Zabitser bo‘yicha yaxshi taklif olsa, uni qo‘yib yuboradi.
Eslatib o‘tamiz, yanvar oyining oxiridan beri Zabitser "Manchester Yunayted"da ijara asosida o‘ynamoqda va u muxlislar hamda murabbiylar shtabida yaxshi taassurot qoldirmoqda. Marsel "Old Trafford"da qolmoqchi, chunki u Angliya Premyer-ligasida o‘ynashni yoqtiradi.
Avvalroq, "Bavariya"ning yangi bosh murabbiyi Tomas Tuxel Zabitserni qaytarishni xohlayotgani haqida xabarlar tarqalgan edi, biroq manba bu ma’lumotni rad etdi.













