«Manchester Siti» himoyachi Emerik Laport borasida bir qarorga keldi. 90min xabariga ko‘ra, Premyer-liga gigantlari 28 yoshli futbolchini sotishga tayyor.
Laportning o‘zi klubini o‘zgartirishga qarshi emas, chunki u ko‘proq o‘yin vaqtini olishni xohlaydi. Ispaniya terma jamoasi futbolchisiga «Tottenxem» va «PSJ» klublari qiziqish bildirmoqda.
Laport «Manchester Siti»da 2018 yilning yanvar oyidan beri to‘p tepmoqda. O‘shandan beri himoyachi «shaharliklar» safida 171 ta o‘yin o‘tkazib, 12 ta gol urgan va 4 ta samarali uzatmani hamkorlariga taqdim etgan.
Transfermarkt ekspertlari Laportni 30 million yevroga baholamoqda.