«Манчестер Сити» ҳимоячи Эмерик Лапорт борасида бир қарорга келди. 90min хабарига кўра, Премьер-лига гигантлари 28 ёшли футболчини сотишга тайёр.
Лапортнинг ўзи клубини ўзгартиришга қарши эмас, чунки у кўпроқ ўйин вақтини олишни хоҳлайди. Испания терма жамоаси футболчисига «Тоттенхэм» ва «ПСЖ» клублари қизиқиш билдирмоқда.
Лапорт «Манчестер Сити»да 2018 йилнинг январь ойидан бери тўп тепмоқда. Ўшандан бери ҳимоячи «шаҳарликлар» сафида 171 та ўйин ўтказиб, 12 та гол урган ва 4 та самарали узатмани ҳамкорларига тақдим этган.
Transfermarkt экспертлари Лапортни 30 миллион еврога баҳоламоқда.