«Barselona» Ispaniya chempionatining dastlabki 27 turida gol o‘tkazib yubormaslik bo‘yicha rekord o‘rnatdi.
Kataloniyaliklar «Elche»ni mag‘lub etishdi (4:0) - bu o‘yin 20-«quruq» o‘yin bo‘ldi. Umuman olganda, Xavi jamoasi La Ligada mavsum boshidan buyon jamoa atigi 9 marta o‘z darvozasidan gol o‘tkazib yubordi. Bu ikkala ko‘rsatkich ham rekorddir.
«Real Madrid» (4 ta gol), «Real Sosyedad» (1 ta), «Osasuna» (1 ta), «Espanyol» (1 ta), «Betis» (1 ta) va «Almeriya» (1 ta) «Barselona» darvozasini ishg‘ol etishga muvaffaq bo‘lgan.
Keyingi turda Ispaniya chempionati peshqadami «Jirona»ni qabul qiladi – bu 10 aprel kuni sodir bo‘ladi.
