"Vulverxempton" qanot himoyachisi Nelson Semedu Tumanli Albionni Apenninga o‘zgartirishi mumkin. Todofichajes jurnalistlariga ma’lum bo‘lishicha, "Roma" 29 yoshli o‘ng qanot himoyachisi xizmatlariga qiziqish bildirmoqda.
Semedu joriy mavsum oxirida Rimga tekinga o‘tishi mumkin. Uning "bo‘rilar" bilan shartnomasi 2023 yilning iyun oyi oxirida tugaydi.
Nelson joriy mavsumda Premyer-ligada 27 ta o‘yinda maydonga tushib, 1 ta golli uzatmani amalga oshirdi, 9 ta sariq kartochka oldi va bir marta maydondan chetlatildi.
