Qishki transfer oynasida himoyachi Joau Kanselu «Manchester Siti»dan «Bavariya»ga o‘tgandi. Myunxenliklar 28 yoshli portugaliyalikni sotib olish sharti bilan mavsumning qolgan qismiga ijaraga oldi.
Kanselu «Manchester Siti»dagi holatidan norozi edi, endi esa «Bavariya»dagi holatidan norozi. Shanba kuni Joau «Borussiya Dortmund» ustidan qozonilgan g‘alabani (4:2) jamoasi yonida nishonlamadi, balki darhol kiyim almashtirish xonasiga yo‘l oldi.
«Bu his-tuyg‘ular xolos, hech qanday muammo yo‘q. Futbolchi o‘ynamasa, hafsalasi pir bo‘lishi normal holat», - dedi «Bavariya» sport direktori Hasan Salihamidjich.
Joau Kanselu «Borussiya»ga qarshi o‘yinda atigi 11 daqiqa harakat qildi.
