Frankfurtning «Ayntraxt» klubi bosh murabbiyi Oliver Glasner «Tottenxem»ni boshqarishi mumkin.
London klubi yaqinda ketgan Antonio Kontening o‘rniga boshqa murabbiy qidirmoqda. 48 yoshli germaniyalik mutaxassis avval ham ko‘plab nomzodlar orasida paydo bo‘lgan, ammo hozirda jurnalist Kristian Falkning xabar berishicha, Glasnerning «Tottenxem»ga kelish ehtimoli ancha yuqori.
Biroq u joriy mavsum oxirigacha «Ayntraxt»ni tark etmaydi, uning shartnomasida mavsum tugaganidan keyin ketishi mumkinligi haqidagi band bor. «Shporlar» rahbariyati bundan unumli foydalanishi mumkin.
Oliver Glasnerning «Ayntraxt» bilan shartnomasi 2024 yilning yoziga qadar mo‘ljallangan.
