Франкфуртнинг «Айнтрахт» клуби бош мураббийи Оливер Гласнер «Тоттенхэм»ни бошқариши мумкин.

Лондон клуби яқинда кетган Антонио Контенинг ўрнига бошқа мураббий қидирмоқда. 48 ёшли германиялик мутахассис аввал ҳам кўплаб номзодлар орасида пайдо бўлган, аммо ҳозирда журналист Кристиан Фалкнинг хабар беришича, Гласнернинг «Тоттенхэм»га келиш эҳтимоли анча юқори.

Бироқ у жорий мавсум охиригача «Айнтрахт»ни тарк этмайди, унинг шартномасида мавсум тугаганидан кейин кетиши мумкинлиги ҳақидаги банд бор. «Шпорлар» раҳбарияти бундан унумли фойдаланиши мумкин.

Оливер Гласнернинг «Айнтрахт» билан шартномаси 2024 йилнинг ёзига қадар мўлжалланган.