«Liverpul»ning sobiq futbolchisi Robbi Fauler klub istiqbolidan xavotirda.
Yurgen Klopp jamoasi APL turnir jadvalida sakkizinchi o‘rinni egallab, to‘rtinchi o‘rindagi «Manchester Yunayted»dan 8 ochko ortda qolmoqda.
«Mavsum oxirida Chempionlar ligasiga yo‘l olmaslik «Liverpul» uchun moliyaviy tomondan katta zarba bo‘ladi, buning ustiga asosiy o‘yinchilarni saqlab qolish nuqtayi nazaridan juda jiddiy vaziyat yuzaga keladi.
Saloh va van Deyk bu yoshda elita saviyasida muntazam o‘ynashi kerak, ular butun mavsum Chempionlar ligasisiz qololmaydi.
Men ular albatta ketadi, deb aytmayman, lekin ular bu haqda o‘ylashlari mumkin», - deya Faulerning so‘zlarini keltiradi Goal.