«Ливерпул»нинг собиқ футболчиси Робби Фаулер клуб истиқболидан хавотирда.

Юрген Клопп жамоаси АПЛ турнир жадвалида саккизинчи ўринни эгаллаб, тўртинчи ўриндаги «Манчестер Юнайтед»дан 8 очко ортда қолмоқда.

«Мавсум охирида Чемпионлар лигасига йўл олмаслик «Ливерпуль» учун молиявий томондан катта зарба бўлади, бунинг устига асосий ўйинчиларни сақлаб қолиш нуқтайи назаридан жуда жиддий вазият юзага келади.

Салоҳ ва ван Дейк бу ёшда элита савиясида мунтазам ўйнаши керак, улар бутун мавсум Чемпионлар лигасисиз қололмайди.

Мен улар албатта кетади, деб айтмайман, лекин улар бу ҳақда ўйлашлари мумкин», - дея Фаулернинг сўзларини келтиради Goal.