Gari Nevillning fikricha, «Manchester Yunayted» katta ishlar uchun yetarli tayyor emas.
«Agar mavsum boshida, birinchi o‘yinlardan so‘ng «Manchester Yunayted» hozirgidek vaziyatga tushib qolishini aytgan bo‘lsangiz, ishonmagan bo‘lardim.
Tarkibni hisobga olsak, Yevropa ligasida o‘ynash, Liga kubogida g‘alaba qozonish, Angliya kubogi yarim finalida g‘alaba qozonish, Premyer-ligada kuchli 4-o‘rindan joy olish ajoyib, lekin «MYU» bundan ko‘prog‘iga loyiq.
Ammo safardagi o‘yinlarda ogohlantiruvchi belgilar mavjud. Haqiqatan ham jangovar ruh, jasorat ko‘rsatish, o‘z mahoratingni ko‘rsatish kerak bo‘lgan uchrashuvlarda jamoa yetarli darajada yaxshi o‘ynamayapti», – dedi Nevill.