Darvozabon: Illan Melye – "Lids"
Ro‘yxatdan "Lids Yunayted" futbolchilarining to‘rttasi o‘rin olgan. Shulardan dastlabkisi Melyedir. Fransuz darvozaboni Emireyts o‘yingohida to‘rtta gol o‘tkazib yuborgan edi. Uning jamoasi birinchi bo‘limni raqobatbardosh o‘tkazadi. Ammo ikkinchisi, ular uchun qiyinlik qildi. Maydon egalari yosh darvozabonni ayab o‘tirmadi. Garchand gollarning hech birida Melyening aybi bo‘lmasada, uning jamoasi mag‘lub bo‘lgan edi.
O‘ng qanot himoya: Lyuk Eyling – "Lids"
Shimoliy Londondagi dastlabki 45 daqiqalik, nisbatan raqobatga boy edi. Ammo bu jarayon Eyling o‘z jarima maydonchasi ichida Gabriel Jezusni chalib yiqitganiga qadar ro‘y berdi. "Lids Yunayted" sardori penaltiga sabab bo‘lish bilan bir qatorda, 2 ta jiddiy fol sodir etdi. O‘yin davomida raqib tomonda birorta ham xavfli uzatma ijro eta olmadi. Eylingning qanotida Gabriel Martinelli bemalol sayr qilib yurdi. Bularning bari u uchun katta minus bo‘ldi.
Chap qanot himoya: Endi Robertson – "Liverpul"
"Manchester Siti" hujumchilari, hatto Erling Xolandsiz ham "Liverpul" bilan o‘zlarining eng yaxshi o‘yinlarini namoyish etdi. Robertson esa himoyada bunga dosh bera olmadi. Shotlandiya terma jamoasi a’zosi "shaharliklar"ga qarshi 25 ta uzatmani amalga oshirgan bo‘lsa, shularning 8 tasi noaniq edi.
Markaziy himoya: Ibraima Konate – "Liverpul"
Turning omadsiz jamoalaridan biri "Liverpul" edi. Uning himoyachilar esa raqibga qarshi turib bera olmadi. Yurgen Klopp shogirdlari "shaharliklar"ning chempionlik poygasiga halaqit berishga harakat qiladi. Ammo buning iloji bo‘lmadi. Statistik ma’lumotlar himoyachilarning havodagi kurashlarini yuqori baholaydi. Ammo Konate o‘sha kuni bu borada, shunchaki imkonsiz qoldi.
Markaziy himoya: Paskal Stryoyk – "Lids"
Bechora "Lids"ga "Arsenal" bilan o‘yinda ko‘p narsa yetishmadi. Bahsning ikkinchi qismi qo‘rqinchi tush kabi edi. Uning asosida esa Stryoyk bor.
Tayanch yarim himoyachi: Fabinyo – "Liverpul"
Fabinyo bu mavsumda jamoasi uchun hech qanday foydaga ega bo‘lmay qoldi. Bir paytlar braziliyalik futbolchi o‘z pozisiyasida Rodri va Kazemiroga teng darajada edi. Ammo hozir unday emas. Yaxshiyamki, "Manchester Siti"ga qarshi o‘yinda unga sariq kartochka ko‘rsatilmadi. Uning pozision raqibi bo‘lgan Kevin De Bryuyne esa raqibni ko‘rdim demay o‘tib ketdi.
Yarim himoyachi: Loftus-CHik – "Chelsi"
"Chelsi"ning 2-0 hisobida o‘z maydonida "Aston Villa" tomonidan taslim qilinishi, Grem Potter uchun so‘nggi manzil bo‘ldi. U 56 daqiqada maydonda foydasi tegmagan Loftus-CHikni almashtirgandi. Ingliz futbolchisi bir soatdan ortiq vaqt davomida na bloklar, na qarshi hujumlar va na muhim uzatmalarni amalga oshirdi.
Yarim himoya: Jek Xarrison – "Lids"
Xavi Garsiya Xarrisonni maydon markazida o‘ynatdi. Bu esa futbolchi uchun o‘ta noqulay edi. Balki shu sababdan jamoaga uning foydasi tegmagandir. 84 daqiqada zaxiraga olingan futbolchi, o‘yin davomida birorta dribling yoki himoyaviy mahorat ko‘rsata olmadi.
O‘ng qanot hujum: Mixail Mudrik – "Chelsi"
Agarda mana shu futbolchida o‘ziga bo‘lgan ishonch kuchli bo‘lganida edi, balki Potter hozir o‘z ishida qolgan bo‘lardi. Ukrainalik vinger ikkita zo‘r imkoniyatni ko‘kka sovurib, Loftus-CHik kabi 56 daqiqada almashtiriladi. Mudrik "Chelsi"ga kelganidan beri faqat 1 ta bahsda golda ishtirok etdi xolos.
Chap qanot hujum: Markus Reshford
Reshford hafta yakunida mavsumdagi eng yomon o‘yinini o‘tkazdi. "MYU"da gol urishi kutilgan yagona vakil, u edi. Shunga qaramay, Reshford hech narsa qila olmadi. Hatto, Antoni undan yorqinroq ko‘rindi.
Hujumchi: Teo Uolkott – "Sautgempton"
Albatta, Uolkot haftaning yomon futbolchilari qatoriga kiradi. Sobiq "Arsenal" hujumchisi "Vest Xem" bilan muhim bahsda raqib darvozasi tomon bitta zarba bera oldi xolos. U, shuningdek, 3 ta muvaffaqiyatsiz zarbani amalga oshirdi. Shunday ekan, uning nomi bu yerda turishi adolatdan bo‘ladi.
ISMATOV J.
