"Real"ning chap qanot himoyachisi Ferland Mendi jarohati sabab kutilganidan biroz ko‘proq vaqtni o‘tkazib yuboradi. Jurnalist Mario Kortexananing xabar berishicha, futbolchi 6 haftaga o‘yindan tashqarida bo‘ladi.
Eslatib o‘tamiz, avvalroq Mendi jarohati sabab bir oyni o‘tkazib yuborishi kutilgandi. Biroq, jarohat jiddiyroq bo‘lib chiqdi. Fransiyalik futbolchi Chempionlar ligasida “Chelsi”ga qarshi chorak final o‘yinidan tashqari yarim finalda ham o‘tkazib yuborilishi mumkin.
Oldinroq "Real" kelasi yozda Mendini sotish uchun ochiqligi haqida xabarlar tarqalgan edi. Aytishlaricha, klub rahbariyati futbolchining o‘yinidan va uning doimiy jarohatidan qoniqmayapti.