"Borussiya Myunxengladbax" himoyachisi Rami Bensebaini faoliyatini Dortmundning "Borussiya"sida davom ettiradi. Bu haqda insayder Florian Plettenberg ijtimoiy tarmoqlar orqali ma’lum qildi.
Jurnalistning xabariga ko‘ra, 27 yoshli jazoirlik futbolchi bir necha kun avval "bo‘rilar" bilan dastlabki shartnoma imzolagan. Bensebaini shu yozda erkin agent sifatida dortmundliklar safiga qo‘shiladi.
Rami joriy mavsumda Bundesligada 22 ta o‘yinda maydonga tushib, 5 ta gol urdi.