Bruno Labbadia "Shtutgart" bosh murabbiyligidan ketdi.

Nemis mutaxassisi jamoani o‘tgan yilning dekabr oyida qabul qilib olgandi. Uning qo‘l ostida jamoa 12 ta o‘yin o‘tkazib, atigi bitta g‘alabaga erishdi. O‘shanda jamoa Germaniya kubogida "Paderborn" ustidan g‘alaba qozondi. Bundesligada "Shtutgart" so‘nggi, 18-o‘rinda bormoqda.

Labbadia o‘rniga jamoani Sebastyan Xenes boshqaradi. Uning shartnomasi 2025 yilning 30 iyuniga qadar amal qiladi.

“Shtutgart” yangi murabbiy qo‘l ostidagi ilk o‘yinini 5 aprel kuni Germaniya kubogi 1/4 finalida “Nyurnberg”ga qarshi o‘tkazadi.