"Brayton" bosh murabbiyi Roberto De Dzerbi "Chelsi" bilan ishlashga qiziqmayapti.
Agar "Chelsi" Roberto De Dzerbini suhbatga taklif qilsa, italiyalik murabbiy bu taklifni rad etadi. U "Brayton"ga sodiq va bor e’tiborini Angliya kubogi va Yevropa musobaqalarida g‘alaba qozonishga qaratgan, deb yozadi Evening Standard.
Angliya kubogi yarim finalida “Brayton” “Manchester Yunayted”ga qarshi bahs olib boradi. Ayni paytda “chaykalar” APL turnir jadvalida 6-o‘rinni egallab, 4-o‘rindagi “Tottenxem”dan 7 ochko ortda qolmoqda. Shu bilan birga, "Brayton" uchta o‘yin kam o‘tkazdi.
Ma’lum bo‘lishicha, "Chelsi" Yulian Nagelsmann, Maurisio Pochettino, Ruben Amorim, Oliver Glazner, Luis Enrike yoki Luchano Spallettini murabbiylikka taklif qilishi mumkin.
London klubi shoshilinch qaror qabul qilishni istamayapti, biroq murabbiylik lavozimiga nomzodlar vakillari bilan hozirdanoq gaplashmoqda. "Chelsi" bu masala bo‘yicha muddat belgilamagan.