"Брайтон" бош мураббийи Роберто Де Дзерби "Челси" билан ишлашга қизиқмаяпти.

Агар "Челси" Роберто Де Дзербини суҳбатга таклиф қилса, италиялик мураббий бу таклифни рад этади. У "Брайтон"га содиқ ва бор эътиборини Англия кубоги ва Европа мусобақаларида ғалаба қозонишга қаратган, деб ёзади Evening Standard.

Англия кубоги ярим финалида “Брайтон” “Манчестер Юнайтед”га қарши баҳс олиб боради. Айни пайтда “чайкалар” АПЛ турнир жадвалида 6-ўринни эгаллаб, 4-ўриндаги “Тоттенхем”дан 7 очко ортда қолмоқда. Шу билан бирга, "Брайтон" учта ўйин кам ўтказди.

Маълум бўлишича, "Челси" Юлиан Нагельсманн, Маурисио Почеттино, Рубен Аморим, Оливер Глазнер, Луис Энрике ёки Лучано Спаллеттини мураббийликка таклиф қилиши мумкин.

Лондон клуби шошилинч қарор қабул қилишни истамаяпти, бироқ мураббийлик лавозимига номзодлар вакиллари билан ҳозирданоқ гаплашмоқда. "Челси" бу масала бўйича муддат белгиламаган.