"Sevilya" sport direktori Ramon Monchi yomon mavsumdan keyin jamoada inqilob qilishni rejalashtirmoqda, deb xabar bermoqda Diario SPORT.
Mavsum davomida uch marta murabbiy almashish jamoaning natijasini yaxshilamagani uchun Monchi muammo murabbiyda emas, loyihada deb hisoblamoqda. Shu sababli, u yozda yangi futbolchilar bilan shartnoma imzolashni rejalashtirgan.
Xususan, Monchi "Verona"dan ijaraga olingan "Napoli" hujumchisi Jovanni Simeone atrofidagi vaziyatni diqqat bilan kuzatib bormoqda.
27 yoshli argentinalik futbolchi joriy mavsumda “Napoli” safida atigi 669 daqiqa o‘ynadi, biroq 8 ta gol urdi.
Simeonening "Napoli"dagi ijarasi mavsum oxirida tugaydi, ammo neapolliklar Transfermarkt portali tomonidan 17 million yevroga baholangan futbolchini sotib olish huquqiga ega.
Jovanni Simeone "Atletiko" bosh murabbiyi Diyego Simeonening o‘g‘li.
"Sevilya" 27 turdan so‘ng Ispaniya chempionatida 13-o‘rinni egallab turibdi, Yevropa ligasining chorak finalida jamoa "Manchester Yunayted" bilan o‘ynaydi.
