"Севилья" спорт директори Рамон Мончи ёмон мавсумдан кейин жамоада инқилоб қилишни режалаштирмоқда, деб хабар бермоқда Diario SPORT.
Мавсум давомида уч марта мураббий алмашиш жамоанинг натижасини яхшиламагани учун Мончи муаммо мураббийда эмас, лойиҳада деб ҳисобламоқда. Шу сабабли, у ёзда янги футболчилар билан шартнома имзолашни режалаштирган.
Хусусан, Мончи "Верона"дан ижарага олинган "Наполи" ҳужумчиси Жованни Симеоне атрофидаги вазиятни диққат билан кузатиб бормоқда.
27 ёшли аргентиналик футболчи жорий мавсумда “Наполи” сафида атиги 669 дақиқа ўйнади, бироқ 8 та гол урди.
Симеоненинг "Наполи"даги ижараси мавсум охирида тугайди, аммо неаполликлар Тransfermarkt портали томонидан 17 миллион еврога баҳоланган футболчини сотиб олиш ҳуқуқига эга.
Жованни Симеоне "Атлетико" бош мураббийи Диего Симеоненинг ўғли.
"Севилья" 27 турдан сўнг Испания чемпионатида 13-ўринни эгаллаб турибди, Европа лигасининг чорак финалида жамоа "Манчестер Юнайтед" билан ўйнайди.
