Kataloniyaning “Barselona” klubi Ispaniya kubogi yarim final javob o‘yinida “Real”dan to‘rtta gol o‘tkazib yuborib, mag‘lubiyatga uchradi. Shu tariqa, Xavi Ernandes jamoasi Ispaniya kubogini tark etdi va endi faqat bitta turnirda - chempionatda o‘ynashda davom etmoqda.
Ma’lum bo‘lishicha, bu "Barselona"ning Xavi Ernandes qo‘l ostida bir yarim yil davomida qatnashish imkoniga ega bo‘lgan barcha turnirlarni inobatga olgan holda eng yirik mag‘lubiyati bo‘ldi. Eslatib o‘tamiz, Xavi Ernandes 2021 yilning noyabrida Ronald Kuman o‘rniga "Barselona" boshqaruvini qo‘lga olgan edi.