Каталониянинг “Барселона” клуби Испания кубоги ярим финал жавоб ўйинида “Реал”дан тўртта гол ўтказиб юбориб, мағлубиятга учради. Шу тариқа, Хави Эрнандес жамоаси Испания кубогини тарк этди ва энди фақат битта турнирда - чемпионатда ўйнашда давом этмоқда.
Маълум бўлишича, бу "Барселона"нинг Хави Эрнандес қўл остида бир ярим йил давомида қатнашиш имконига эга бўлган барча турнирларни инобатга олган ҳолда энг йирик мағлубияти бўлди. Эслатиб ўтамиз, Хави 2021 йилнинг ноябрида Рональд Куман ўрнига "Барселона" бошқарувини қўлга олган эди.