«Manchester Yunayted»da ijara asosida o‘ynayotgan «Bavariya» yarim himoyachisi Marsel Zabitser hozircha qayerda o‘ynashini hal qilmagan.
«Qizil iblislar» avstriyalik futbolchini joriy mavsum oxirigacha ijaraga oldi. Futbolchining o‘zi «Bavariya»ni tark etish tarafdori va doimiy ravishda «Manchester Yunayted»ga o‘tish haqida jiddiy o‘ylamoqda, ammo hali yakuniy qarorga kelgani yo‘q, deb xabar beradi jurnalist Florian Plettenberg.
29 yoshli yarim himoyachining kelajagi yaqin haftalarda hal bo‘lishi kerak. Shuningdek, Angliya premyer-ligasining boshqa klublari ham Zabitser bilan bog‘liq vaziyatni kuzatib borayotgani qayd etilgan.













