«Манчестер Юнайтед»да ижара асосида ўйнаётган «Бавария» ярим ҳимоячиси Марсель Забитцер ҳозирча қаерда ўйнашини ҳал қилмаган.
«Қизил иблислар» австриялик футболчини жорий мавсум охиригача ижарага олди. Футболчининг ўзи «Бавария»ни тарк этиш тарафдори ва доимий равишда «Манчестер Юнайтед»га ўтиш ҳақида жиддий ўйламоқда, аммо ҳали якуний қарорга келгани йўқ, деб хабар беради журналист Флориан Плеттенберг.
29 ёшли ярим ҳимоячининг келажаги яқин ҳафталарда ҳал бўлиши керак. Шунингдек, Англия премьер-лигасининг бошқа клублари ҳам Забитцер билан боғлиқ вазиятни кузатиб бораётгани қайд этилган.
