"Valensiya" darvozaboni Giorgi Mamardashvili tez orada Angliya Premyer-ligasining top-klubiga o‘tishi mumkin.
Jurnalist Saymon Fillips ijtimoiy tarmoqlarda xabar berganidek, gruziyalik posbon Londonning "Chelsi" klubi nishoniga tushgan.
Manbaga ko‘ra, "Chelsi" rahbariyati darvozabon vakillari bilan uchrashgan. Ayni damda "ko‘klar" 22 yoshli Mamardashvili bilan shartnomani yopish uchun eng yaxshi imkoniyatga ega.
Giorgi "Valensiya" bilan Ispaniya chempionatidagi ikkinchi mavsumini o‘tkazmoqda. Futbolchi hisobiga joriy mavsumda La Ligada 27 ta o‘yin o‘tkazgan bo‘lsa, shulardan 5 tasida darvozabon o‘z darvozasi dahlsizligini saqlab qolishga muvaffaq bo‘lgan.
