"Валенсия" дарвозабони Гиорги Мамардашвили тез орада Англия Премьер-лигасининг топ-клубига ўтиши мумкин.
Журналист Саймон Филлипс ижтимоий тармоқларда хабар берганидек, грузиялик посбон Лондоннинг "Челси" клуби нишонига тушган.
Манбага кўра, "Челси" раҳбарияти дарвозабон вакиллари билан учрашган. Айни дамда "кўклар" 22 ёшли Мамардашвили билан шартномани ёпиш учун энг яхши имкониятга эга.
Гиорги "Валенсия" билан Испания чемпионатидаги иккинчи мавсумини ўтказмоқда. Футболчи ҳисобига жорий мавсумда Ла Лигада 27 та ўйин ўтказган бўлса, шулардан 5 тасида дарвозабон ўз дарвозаси даҳлсизлигини сақлаб қолишга муваффақ бўлган.
