Frankfurtning "Ayntraxt" klubi hujumchisi Randal Kolo-Muani yozda "Bavariya"ga o‘tishi mumkin. Jurnalist Kristian Falkning fikricha, fransiyalik futbolchining "Alyans Arena"ga ko‘chib o‘tishi yaqinda jamoani qabul qilib olgan bosh murabbiy Tomas Tuxelning xohishiga bog‘liq bo‘ladi.
Tuxel "Bavariya" yozda yangi hujumchi sotib olishi kerak degan fikrga qo‘shiladi, ammo nemis mutaxassis hali bu mavsumda Bundesliga o‘yinchilari orasida eng yuqori ko‘rsatkichga ega bo‘lgan Kolo-Muanini ma’qullagani yo‘q. Shu bilan birga, "Ayntraxt" hujumchini yozda sotmoqchi emasligini avvalroq ma’lum qilgandi. "Burgutlar" fikrini o‘zgartirish uchun 100 million yevrodan ko‘proq pul olishlari kerak.
