“Aston Villa” hujumchisi Olli Uotkins jamoasi bilan yangi shartnoma borasida muzokaralar olib bormoqda. Bu haqda ijtimoiy tarmoqlarda jurnalist Tom Kollomoss xabar berdi.
Eslatib o‘tamiz, Uotkinsning "Aston Villa" bilan amaldagi shartnomasi 2025 yilning yozida yakuniga yetadi. Rahbariyat 27 yoshli hujumchining o‘yinidan qoniqish hosil qilgan va u bilan shartnomani uzoqroq muddatga uzaytirmoqchi.
Eslatib o‘tamiz, joriy mavsumda Uotkins Angliya Premyer-ligasida 11 ta gol urdi va 5 ta golli uzatmani amalga oshirdi. Futbolchi 2020 yilning yozidan buyon “Aston Villa”da o‘ynab kelmoqda va shundan buyon har mavsumda kamida 10 ta gol urdi.