"Real" yarim himoyachisi Luka Modrich rahbariyatdan yangi shartnoma olish umidini yo‘qotgani yo‘q. Jurnalist Tomas Gonsalesning so‘zlariga ko‘ra, xorvat hamkorlikni uzaytirish bo‘yicha muzokaralar o‘tkazishni so‘ramayapti, faqat aniq takliflarni kutmoqda.
Modrich o‘z faoliyatini "Real"da yakunlamoqchi ekanligini doimo ochiq aytib kelgan. “Qirollik klubi” rahbariyati 37 yoshli xorvatiyalik futbolchiga yangi shartnoma taklif qilishga shoshilmayapti va barcha faktlarga asoslanib qaror qabul qilish uchun mavsum oxirigacha kutmoqchi.
Modrich bu mavsumda "Real" uchun muhim futbolchi bo‘lib qolmoqda. Yarim himoyachi La Liganing joriy mavsumida 4 ta gol va 3 ta golli uzatmaga ega.
