"Barselona" yarim himoyachisi va sardori Serxio Buskets klub bilan shartnomani uzaytirish taklifini qabul qilishga shoshilmayapti. Ispaniyalik futbolchi Saudiya Arabistonidan taklif bo‘lishini va keyin o‘z kelajagini hal qilishni kutmoqda. Bu haqda Mundo Deportivo xabar bermoqda.
Manbaga ko‘ra, 34 yoshli Busketsning faoliyatini davom ettirishiga "Barselona" bosh murabbiyi Xavi qiziqish bildirmoqda. Eslatib o‘tamiz, Serxio Ispaniya chempionatida eng ko‘p maosh oluvchi uch nafar futbolchidan biri va, ehtimol, “Barselona”ning moliyaviy muammolari tufayli u klubdagi faoliyatini davom ettirish uchun maoshini qisqartirishga to‘g‘ri keladi.