"Барселона" ярим ҳимоячиси ва сардори Серхио Бускетс клуб билан шартномани узайтириш таклифини қабул қилишга шошилмаяпти. Испаниялик футболчи Саудия Арабистонидан таклиф бўлишини ва кейин ўз келажагини ҳал қилишни кутмоқда. Бу ҳақда Mundo Deportivo хабар бермоқда.

Манбага кўра, 34 ёшли Бускетснинг фаолиятини давом эттиришига "Барселона" бош мураббийи Хави қизиқиш билдирмоқда. Эслатиб ўтамиз, Серхио Испания чемпионатида энг кўп маош олувчи уч нафар футболчидан бири ва, эҳтимол, “Барселона”нинг молиявий муаммолари туфайли у клубдаги фаолиятини давом эттириш учун маошини қисқартиришга тўғри келади.