"Arsenal" "Feyenoord" yarim himoyachisi Orkun Kekchyuga yana qiziqish bildirmoqda.
Daily Express xabariga ko‘ra, ingliz klubi 22 yoshli futbolchini 2020 yildan buyon kuzatib kelmoqda va uni shu yozda sotib olishi mumkin. Yarim himoyachining o‘zi yozgi transfer oynasida jamoasini o‘zgartirishga tayyor.
Kekchyu joriy mavsumda "Feyenoord" safida barcha musobaqalarda 37 ta o‘yinda maydonga tushib, 12 ta gol urdi va 3 ta golga assistentlik qildi va jamoa sardori hisoblanadi.
Futbolchining shartnomasi 2025 yilning yoziga qadar mo‘ljallangan. Transfermarkt portali uning narxini 30 million yevroga baholamoqda.
