Urugvaylik hujumchi Fakundo Pelistri "Manchester Yunayted" bilan shartnomani uzaytiradi, deya xabar beradi Fabrisio Romano.
Manbaga ko‘ra, "Manchester Yunayted" 21 yoshli hujumchining rivojlanishidan mamnun, shuning uchun shu oyda ular unga yangi uzoq muddatli shartnoma taklif qilishadi. Pelistrining klub bilan amaldagi shartnomasi 2025 yilning yozida yakuniga yetadi.
Hujumchi 2020 yildan buyon "Manchester Yunayted"da to‘p suradi. O‘shandan beri u jamoa safida 8 ta o‘yin o‘tkazib, bitta golli uzatmani amalga oshirgan.