“Milan” muxlislari belgiyalik hujumchi Divok Origining Italiya chempionatining so‘nggi “Empoli”ga qarshi o‘yinidan (0:0) nihoyatda norozi bo‘lishdi.
Hujumchi maydonda asosiy tarkibda harakat qildi, ammo yorqin o‘yin ko‘rsatmadi. Football Italia xabariga ko‘ra, 70-daqiqada o‘zgarish vaqtida muxlislar Origiga baland ovozda norozilik bildirishdi.
"Rossonerilar" muxlislari mavsumning 27ta o‘yinida atigi 2ta gol urgan Origining o‘yinidan nihoyatda norozi.
27 yoshli belgiyalik o‘tgan yozdan beri milanliklar safida to‘p surmoqda. Divokning klub bilan shartnomasi 2026 yilning o‘rtalariga qadar mo‘ljallangan.
