Milanning "Inter" klubi rahbariyati hali ham murabbiyni almashtirish haqida o‘ylamoqda. La Gazette Dello Sport xabariga ko‘ra, jamoa Simone Indzagini iste’foga chiqarish variantini jiddiy ko‘rib chiqmoqda. Gap shundaki, “neradzurrilar” yetakchilarining hammasi ham mavsum yakuniga qadar murabbiyning ishdan bo‘shatilishi ularning muammolarini hal qila olishiga ishonishmaydi.

Agar "Inter" Chempionlar ligasi chorak finalida "Benfika"ga qarshi birinchi o‘yinda mag‘lub bo‘lsa, Indzagi ishini yo‘qotish xavfi bor. Shu bilan birga, “qora-ko‘klar” rahbariyatining ayrim vakillari mavsum oxirigacha murabbiy bilan xayrlashmoqchi emas. Klub keyingi mavsumga yangi murabbiy tayinlashni afzal ko‘rmoqda.