«Bavariya» bosh murabbiyi Tomas Tuxel «Manchester Siti»ga qarshi bo‘lib o‘tadigan o‘yin haqida gapirdi.
Jamoalar Chempionlar ligasining 1/4 finalida to‘qnash kelishadi. Ular o‘rtasidagi ilk o‘yin 11 aprel kuni Angliyada bo‘lib o‘tadi.
«Biz jasoratli bo‘lishimiz kerak. O‘zimizga ishonishimiz, aqlli bo‘lishimiz, taktik qarorlar qabul qilishimiz va jismoniy imkoniyatlarimiz chegarasida harakat qilishimiz kerak.
«Siti» bir necha haftadan beri yuqori formada o‘ynamoqda. Biz tiklanishimiz kerak va hamma o‘yinchilarning formada bo‘lishiga umid qilishimiz kerak.
Seshanba kuni hamma narsa bo‘lishi mumkin, futbolda hamma narsa bo‘lishi mumkin. Hozir raqib ajoyib formada. Biz mutlaq tayyorligimizni ko‘rsatishimiz kerak», - dedi Tuxel.
