«Бавария» бош мураббийи Томас Тухель «Манчестер Сити»га қарши бўлиб ўтадиган ўйин ҳақида гапирди.
Жамоалар Чемпионлар лигасининг 1/4 финалида тўқнаш келишади. Улар ўртасидаги илк ўйин 11 апрель куни Англияда бўлиб ўтади.
«Биз жасоратли бўлишимиз керак. Ўзимизга ишонишимиз, ақлли бўлишимиз, тактик қарорлар қабул қилишимиз ва жисмоний имкониятларимиз чегарасида ҳаракат қилишимиз керак.
«Сити» бир неча ҳафтадан бери юқори формада ўйнамоқда. Биз тикланишимиз керак ва ҳамма ўйинчиларнинг формада бўлишига умид қилишимиз керак.
Сешанба куни ҳамма нарса бўлиши мумкин, футболда ҳамма нарса бўлиши мумкин. Ҳозир рақиб ажойиб формада. Биз мутлақ тайёрлигимизни кўрсатишимиз керак», - деди Тухель.
