Леверкузеннинг «Байер» клубига тегишли бўлган 30 ёшли испаниялик ҳимоячи Алехандро Гримальдо Мадриднинг «Атлетико» клубига ўтишга яқин турибди.

MARCA нашри тарқатган хабарга кўра, «Атлетико» Гримальдо билан шахсий шартнома шартлари борасида тўлиқ келишувга эришган. Энди «матрасчилар» «Байер» раҳбарияти билан музокара ўтказиши лозим бўлади. Бу музокараларнинг анча осон кечиши кутилмоқда. Трансфер баҳоси 12 миллион еврони ташкил қилиши мумкин.

Якунланган клуб мавсумида Гримальдо барча мусобақаларда жами 46 та учрашувда майдонга тушиб, ўз ҳисобига 14 та гол ва 12 та голли узатма ёздириб қўйди.

Эслатиб ўтамиз, испаниялик футболчи 2023 йилдан буён Леверкузеннинг «Байер» клуби шарафини ҳимоя қилиб келмоқда. Унинг немис клуби билан амалдаги меҳнат шартномаси келгуси ёзда ўз ниҳоясига етади.