“Roma” bosh murabbiyi Joze Mourinyo “Torino” ustidan qozonilgan 1:0 hisobidagi g‘alabadan so‘ng fikrlari bilan o‘rtoqlashdi.

Uchrashuv taqdirini Paulo Dibalaning sakkizinchi daqiqada penaltidan urgan goli hal qildi.

"Bizning vazifamiz g‘alaba qozonish, tabloda 1:0 yoki 5:4 natijasi muhim emas. Har qanday sport turida g‘alaba qozonish asosiy maqsaddir.

Uchinchi o‘rin? "Yuventus"da haqiqatan ham 59 emas, 44 ochko borligiga ishonchim komil emas - biz Italiyadamiz... Agar jazo bekor qilinsa, biz pastroqda bo‘lishimiz mumkin. Ammo hozir biz keyingi o‘yinga e’tibor qaratishimiz kerak, - dedi portugaliyalik mutaxassis DAZN nashriga bergan intervyusiga.

"Roma" 53 ochko bilan 3-o‘rinda bormoqda. "Yuventus" 44 ochko bilan 7-o‘rinda.