Germaniya terma jamoasining sobiq futbolchisi Ditmar Xamann Dortmundning «Borussiya» klubi yarim himoyachisi Jud Bellingemning kamchiliklari haqida gapirdi.

19 yoshli angliyalik futbolchi «Liverpul», «Manchester Siti», «Real Madrid» va «PSJ»ning transfer maqsadi hisoblanadi.

«Bellingem haqida to‘liq ishonchim komil emas. Albatta, u nihoyatda iqtidorli va g‘ayrioddiy qobiliyatlarga ega, ammo unda o‘yin intizomi yo‘q.

So‘nggi paytlarda Dortmundning «Borussiya»si o‘tkazib yuborgan gollariga nazar tashlar ekanman, besh-olti marta Bellingem asosiy aybdorlardan biri bo‘lgan deb o‘ylayman.

U hali yosh va o‘rganishi kerak bo‘lgan ko‘p narsa bor, lekin «Real Madrid», «Liverpul» va «Manchester Siti» o‘rnida men ehtiyot bo‘lardim», dedi Xamann.