Германия терма жамоасининг собиқ футболчиси Дитмар Хаманн Дортмунднинг «Боруссия» клуби ярим ҳимоячиси Жуд Беллингемнинг камчиликлари ҳақида гапирди.
19 ёшли англиялик футболчи «Ливерпуль», «Манчестер Сити», «Реал Мадрид» ва «ПСЖ»нинг трансфер мақсади ҳисобланади.
«Беллингем ҳақида тўлиқ ишончим комил эмас. Албатта, у ниҳоятда иқтидорли ва ғайриоддий қобилиятларга эга, аммо унда ўйин интизоми йўқ.
Сўнгги пайтларда Дортмунднинг «Боруссия»си ўтказиб юборган голларига назар ташлар эканман, беш-олти марта Беллингем асосий айбдорлардан бири бўлган деб ўйлайман.
У ҳали ёш ва ўрганиши керак бўлган кўп нарса бор, лекин «Реал Мадрид», «Ливерпуль» ва «Манчестер Сити» ўрнида мен эҳтиёт бўлардим», деди Хаманн.
