Superliga 5-turidan o‘rin olgan OKMK – “Navbahor” (2:1) uchrashuvidan so‘ng mezbonlar bosh murabbiyi Mirjalol Qosimov o‘z fikrlarini bildirib o‘tdi.

“Bir-biriga munosib bo‘lgan ikki jamoa to‘qnash keldi. O‘tgan mavsum Olmaliqda o‘tgan bahsda ham jamoalar kurashlarga boy, tezkor, qiziqarli va ochiq futbol namoyish etishgan edi. Ikkinchi bo‘limda nisbatan yaxshi harakat qildik. Penaltidan o‘tkazib yuborilgan goldan so‘ng ishtiyoqimiz yanada oshdi. Men “Nasaf” – “Surxon” uchrashuvi qanday o‘tganligini bilmayman, ammo bugun turning eng chiroyli o‘yiniga guvoh bo‘ldik.

Tursunov va Ismoilov kabi tajribali futbolchilar biz uchun juda ham muhim. Tajriba yillar davomida to‘planadi va ko‘ryapmizki, ayrim vaziyatlarda yoshlardan ham yaxshi harakat qilishmoqda. Hasanov ham “So‘g‘diyona” yaxshi o‘yinlar ko‘rsatib kelmoqda. Yevropadan ham ko‘plab misollar keltirish mumkin.

Begimov va tunislik futbolchiga kam imkoniyat berilyapti? Superligada eng ko‘p rotasiyaga qo‘l uradigan murabbiy men bo‘lsam kerak. Mavsum endi boshlandi va hali oldinda o‘yinlar juda ham ko‘p. Payti kelganda ular ham maydonga tushib, jamoaga yordam berishadi.

Mirjamol Qosimov hamda Vitaliy Denisov mashg‘ulotlarga endigina qaytishdi. To‘liq sog‘ayib, jismonan tayyor bo‘lsalar, ular ham albatta maydonga tushadi”, – dedi Qosimov.