Superliga 5-turidan o‘rin olgan “Nasaf” – “Surxon” (3:2) uchrashuvidan so‘ng mezbonlar bosh murabbiyi Ro‘ziqul Berdiyev o‘z fikrlarini bildirib o‘tdi.
“Mavsumdagi eng og‘ir o‘yinimizni o‘tkazdik. Uchinchi bellashuvdirki, raqibga imkoniyat qoldiryapmiz. Bunday bo‘lishi kerak emas. Muhimi, 3 ochkoni qo‘lga kiritdik. “Surxon” bugun uzun paslar yordamida, Nimelini to‘p bilan ta’minlashga harakat qildi. Jamoa oldingi uchrashuvlarda bunday harakat qilmagan edi. Himoyachilar liberiyalik hujumchini o‘tkazib yuborishdi, shunday bo‘lsada asosiysi, g‘alaba qozondik”, – dedi Berdiyev.
