Суперлига 5-туридан ўрин олган “Насаф” – “Сурхон” (3:2) учрашувидан сўнг мезбонлар бош мураббийи Рўзиқул Бердиев ўз фикрларини билдириб ўтди.
“Мавсумдаги энг оғир ўйинимизни ўтказдик. Учинчи беллашувдирки, рақибга имконият қолдиряпмиз. Бундай бўлиши керак эмас. Муҳими, 3 очкони қўлга киритдик. “Сурхон” бугун узун паслар ёрдамида, Нимелини тўп билан таъминлашга ҳаракат қилди. Жамоа олдинги учрашувларда бундай ҳаракат қилмаган эди. Ҳимоячилар либериялик ҳужумчини ўтказиб юборишди, шундай бўлсада асосийси, ғалаба қозондик”, – деди Бердиев.
