Dortmundning "Borussiya" klubi yarim himoyachisi Marko Roys jamoada yana bir yil qoladi, deb xabar beradi Sport Bild. 

Futbolchining joriy yilning 30 iyunida yakuniga yetadigan shartnomasi 2024 yilning yoziga qadar uzaytiriladi.

Manbaga ko‘ra, Roys katta moliyaviy yo‘qotishlarga chidashi kerak bo‘ladi: yangi kelishuvga ko‘ra, barcha bonuslarni hisobga olgan holda Roys yiliga ko‘pi bilan 7 million yevro olishi mumkin bo‘ladi. U hozirda yillik 12 million yevro maosh bilan jamoaning eng ko‘p maosh oluvchi futbolchisi hisoblanadi.

33 yoshli Roys joriy mavsumda 24 ta o‘yinda maydonga tushib, 8 ta gol urdi va 7 ta golli uzatmani amalga oshirdi.