Roy Kin «Arsenal»ga qarshi o‘yinda Endryu Robertson va laynsmen bilan bo‘lgan epizod haqida fikr bildirdi.
APLning 30-turidan o‘rin olgan «Liverpul» – «Arsenal» (2:2) uchrashuvining tanaffus vaqtida Robertson yon hakam Konstantinos Xatzidakisga oldiga yaqinlashib, nimadir haqida gapira boshladi.
Laynsmen «Liverpul» himoyachisining yuziga tirsagi bilan urib yubordi. Futbolchilar hakam Pol Tirnini o‘rab olib, voqeaga e’tibor qaratishdi va Robertson g‘azablangani uchun sariq kartochka oldi.
Kinning so‘zlariga ko‘ra, Robertson birinchi bo‘lib hakamning qo‘lidan ushlab olgan.
«Men hali bunaqasini ko‘rmadim. Lekin Robertson... U birinchi bo‘lib laynsmenni ushlab turmadimi? Aniq emas; ishonchim komil emas. Ammo Robertson shikoyat qildi. U ko‘proq himoyadagi o‘yin haqida qayg‘urishi kerak edi.
Men Robertsonni bir necha bor kuzatganman va u katta boladek harakat qilmoqda. Faqat o‘ynashda davom etishi kerak va asosiy e’tiborni himoyaviy o‘yinga qaratsin.
U haqiqatan ham birinchi bo‘lib laynsmenni ushlab oldi», - dedi «Manchester Yunayted»ning sobiq futbolchisi.
