Associated Press xabariga ko‘ra, «Real Madrid» 2022 yilgi UYEFA reytingida birinchi o‘rinni egalladi.

2022 yilda Chempionlar ligasi va Superkubogini qo‘lga kiritgan madridliklar tashkilotdan 134 million yevro oldi.

Bu summaga turnirda qatnashish uchun asosiy to‘lov, natijalar uchun bonus va Ispaniyadagi OAV huquqlari uchun to‘lov kiradi.

Reytingda ikkinchi o‘rinni Chempionlar ligasining yana bir finalchisi – «Liverpul» egalladi. Mersisaydliklar 120 million yevro olishdi.«Bavariya» (110 million yevro) va «Manchester Siti» (109 million yevro) ham 100 million yevrodan ortiq daromad olishgan.

Chempionlar ligasi guruh bosqichi ishtirokchilari o‘rtacha hisobda 61,8 million yevro ishlab olgan bo‘lsa, eng kam summani Moldaviyaning «Sherif»i olgan — 23,7 million yevro.

Yevropa Ligasida o‘tgan yilgi musobaqa g‘olibi Germaniyaning «Ayntraxt» klubi 38 million yevro ishlab oldi.

Ayni vaqtda Konferensiyalar ligasi g‘olibiga aylangan «Roma» esa 19,2 million yevro ishlab oldi.