«Manchester Yunayted» turkiyalik yarim himoyachi Orkun Kyokchyuni o‘z safiga qo‘shib olmoqchi, deb xabar beradi 1908.nl.
Manba bergan xabarga ko‘ra, «mankunianliklar» bosh murabbiyi Erik ten Xag «Feyenoord»ning 22 yoshli yarim himoyachisi bilan shaxsan bog‘langan.
«Manchester Yunayted» futbolchining rivojlanishini diqqat bilan kuzatib bormoqda. Klub skautlari o‘tgan chorshanba kuni «Ayaks»ga qarshi kubok o‘yinida turkning o‘yinini chuqur tahlil qilish uchun tribunalarda bo‘lishdi.
Joriy mavsumda Kyokchyu Erediviziyada 26 ta o‘yinda maydonga tushib, 8 ta gol urdi va 2 ta golli uzatmaga mualliflik qilgan.
Turkiyalik futbolchining Gollandiya klubi bilan shartnomasi 2025 yilning 30 iyuniga qadar amal qiladi. Transfermrkt portaliga ko‘ra futbolchining narxi 30 million yevroni tashkil qiladi.
