«Манчестер Юнайтед» туркиялик ярим ҳимоячи Оркун Кёкчюни ўз сафига қўшиб олмоқчи, деб хабар беради 1908.nl.
Манба берган хабарга кўра, «манкунианликлар» бош мураббийи Эрик тен Хаг «Фейеноорд»нинг 22 ёшли ярим ҳимоячиси билан шахсан боғланган.
«Манчестер Юнайтед» футболчининг ривожланишини диққат билан кузатиб бормоқда. Клуб скаутлари ўтган чоршанба куни «Аякс»га қарши кубок ўйинида туркнинг ўйинини чуқур таҳлил қилиш учун трибуналарда бўлишди.
Жорий мавсумда Кёкчю Эредивизияда 26 та ўйинда майдонга тушиб, 8 та гол урди ва 2 та голли узатмага муаллифлик қилган.
Туркиялик футболчининг Голландия клуби билан шартномаси 2025 йилнинг 30 июнига қадар амал қилади. Transfermrkt порталига кўра футболчининг нархи 30 миллион еврони ташкил қилади.